دافغانستان حکومتي سرچينې وايي ، چې وروسته له ديرشو کلنو د محمد داود او دده کورنۍ مړي پېژندل شوي .
دعامې روغتيا وزارت معين او دهيواد د لومړني جمهور رئيس شهيد محمد داود د مړي د پيژندلو او تثبيت دکميسيون رييس ډاکتر فيض الله کاکړ په يوه خبري کنفرانس کې اعلام وکړ ، چې د محمد داود خان او دده دکورنۍ د پنځلسو تنو غړو مړي پيژندلي دي . جمهور رييس حامد کرزي ، پخوا ديو حکم په صادرولو سره په همدې موخه دعامې روغتيا وزارت دمعين په مشرۍ يو شپږ کسيز کميسيون موظف کړي وو .
دباختر اژانس دخبر له مخي ډاکتر کاکړ په دي خبري کنفرانس کي وويل کميسيون له دوو مياشتو وروسته په دې بريالی شو د مړو بيلوونکو نښو ، اسکليټونو ، غاښونو ، جامو ، ونو او هغه برخې چې ګولي ورباندې لګيدلې وې او ددوی د خپلوانو او دارواښاد دکورنۍ دنهو تنو غړو له خوا درارسيدلو اطلاعاتو او څرګندولو له په پا م کې نيولو سره د سردار محمد داود خان مړي وپيژندل شو دده د څرګندونو له مخي د څرخي پله له پوليګون څخه 29 مړي او دمرنجانونو دغونډي 93 مړي ترمسلکي او تجربي ازمايشت لاندې ونيول .
ده وويل د مصنوعي غاښونو قالب چې اوس دالمان په موزيم کي ساتل کيږي احتمال يې په يقين بدل کړ ځکه پخوا د سعودي عربستان دباچا سوغات دمصحف شريف طلايي نسخه هم دده له جامو څخه موندلي و
سردار محمد داود خان د 1357 کال د ثور دمياشتې د اوومې نيټې په کودتا کې د خپلې کورنۍ له يو شمير غړو سره شهيد کړای شو . اوس موظف کميسيون اعلام وکړ چې دسردار محمد داود خان مړی يې دده دکورنۍ له پنځلسو تنو مړو سره چې دسردار محمد نعيم خان مړی هم پکې پېژندل شوی دی . په دې خبري کنفرانس کې محمود غازي دمحمدداود لمسي ديوې پوښتني په ځواب کي وويل چې دوی د غچ اخستلو لپاره افغانستان ته نه دي راغلي .
