تر ډېرو ګونګسو او ښايي تر ډېروچنو او معاملو وروسته ولسمشر حامد کرزی له خپلو دوو مرستيالانو سره يو ځل بيا دولسمشرۍ لپاره ټاکنيز مصاف ته ورګډ شواو دا ځل به يې ځکه ګټي ، چې د هېواد يوازني(ژوندي) مارشالهم اوږه ورکړې او ښی وزر يې دی. ولسمشر کرزی دا ځل خپل ولس ته نوی پيغام لري، چې :« غم مه کویء دا ځل مارشال راسره دی او افغانستان به د همدې مارشال په پلان درته جوړوم.»
پنځه کاله وړاندې ، چې ښاغلي کرزي ځان ولسمشرۍ ته ونوماوه، د ولسډېر پراخ ملاتړ ورسره و او له همدې امله يې خپل سيالان په ډېرې اسانۍ مات کړل. ولس يې ځکه ملاتړ کاوه، چې غوښتل يې دی د بن له تحميلي شرايطو او بنديزونو او له تپل شويو څېروخلاص کړي او ده ته اوږه ورکړي، چې په رښتيا خپلې ژمنې عملي کړي او دا ولس له جنګسالارانو وژغوري ، جنګي جنايتکاران محاکمې ته راکاږي او کار په رښتيا د کار اهل ته وسپاري . خو کله چې کرزی ولسمشر شوله بده مرغههماغه جنګسالاران ، جنګي جنايتکاران او ملي خاينين يې په خپل حکومت کې راټول کړلاو پر خلکو يې وتپل .او په پايله کې يې ګورو چې ولس ورځ په ورځله دولت څخه واټن اخلياو د طالبانو ليکو ته ورګډيږي ،ولس لهاداري فساد څخه سږمو ته رسېدلی ، مافيا يې په حکومت کې دننه حکومت جوړ کړی،او دافغانستان پېژند پاڼه اوس مخدره توکي ګرځېدلي . د همدغو جنګسالارانو له برکته پر صغيرو نجونو تېری کيږي ، دخلکو ځمکې غصبيږي او افغانان په خپلو پلرنيو کلو کې له کور او ځمکې څخه محروميږي او په زندانونو کې کلابند کيږي.
که څه هم ولس ډېرې ساده پوښتنې لري ، خو کله يې هم ځواب نه دی ترلاسه کړی. د بېلګې په توګه موږله کرزي نه پوښتنه کوو، چې تا په اسدالله خالد کې څه ليدلي ، چې څو کاناډايانو په زوره درباندې لرې نه کړ تا د خلکو داد او فرياد ته غوږ ونه نيوه، که ستا د ورور شريک نه و ، نور يې نو څه کمال درلود چې دا د تاجېکستان ډاکتر(!؟) دې بيا وزارت ته معرفي کړ؟په کوم لياقت ، او په کوم اهليت؟
بله پوښتنه دا ده ، چې ته څنګه کولی شې هغه فهيم خان چې تا ته به يې مخامخ بد رد ويل او مارشالي يې په زوره درڅخه واخيسته ، بيا د خپل مرستيال په توګه وټاکې. زموږ هېر نه دي ، چې څنګه به يې په ارګ کې بدمعاشي درسره کوله او همدا چې ته به کومه خوا نهام شوې، ده به د يوسف ( بې) اعتبار په مرسته ټول پوستونه له خپلو خلکو ډک کړل ، چې پايلې يې موږ تر اوسه پر غاړه وړو. چېرته به چې دګټې معامله وه ، ده به روا اوناروا ځان په کې شريک کړی و. زه نه پوهېږم ، چې ايا زموږ شريفو تاجېکانو ته تر دې بل لوی توهين کېدای شي ، چې ورته ووايو په تاسو کې له فهيم خان پرته بل سړی نه شته! د کرزي په واکمنۍ کې احمدشاه مسعود ملي اتل!؟ شو، پنجشېر ولايت شو ، فهيم خان مارشال شو، احمد ضيا مسعود د ولسمشر لومړی مرستيال شو، د دفاع وزارت بسم الله خان ته ، د امنيت رياستامرالله صالح ته ، د ولسي جرګې رياست يونس قانوني ته ، د کورنيو چارو وزارت مقبل تهاو ډېر نور امتيازات همداسې درواخله. آيا د نجيبوتاجېکانو استازي يوازې همدا د پنجشېر شورای نظار دي او آيا په دوی کې يوازې همدا خلک سړيتوب لري؟ که نه ماته دې ووايي، چې په ضيا مسعود، فهيم خان، قانوني ، بسم الله خان او امرالله صالح کې کوم يو يې زيات تر زياته تر لېسانس پورې زده کړې لري او يا په کومه بله ملي او يا بهرنۍ ژبه پوهيږي؟ زه چې هر څومره فکر کوم، د دومره ډېرو امتيازاتو لپاره له هغه يوې کيسې پرته بله توجيه نه شم موندلی:
وايي، يوه سړي فکر کاوه چې موږک شوی او چې کله به يې پيشو وليده نو منډې به يې وهلې ، چې هله پيشو ده. سړی ډېر وخت په روغتون کې و او تر اوږدې درملنې وروسته يې بالاخره قناعت وکړ، چې دی موږک نه بلکې سم سړی دی اوله روغتون څخه رخصت شو. همدا چې له روغتون څخه ووت ، سترګې يې بيا پر پيشو ولګېدې او په منډه روغتون ته ننوت، چې هله پيشوده! ډاکتر ورته وويل، نو ته خو اوس پوهېږېچې موږک نه يې بلکې سم سړی يې. سړي ځواب ورکړ: سمه ده زه پوهېږم چې سړی يم ، خو آيا پيشو هم په دې پوهيږي ، چې زه موږک نه يم او سړی يم؟
افغان ولس حامد کرزي ته رايه ورکړه او ورته ويې ويل ،چېاوسته سم پاچا يې ، نور په شورای نظار او فهيم خان او بل او بل کې ری مه وهه،خو دی وايي چېآيا شورای نظار هم په دې پوهيږي چې زه پاچا يم؟ او دا دی له دومره ډېروترخو تجربو يو ځل بيا يې موږ ته (مار چال)راوست.
هغه بله ورځ کريم خليلي او سرور دانش له کرزي څخه د ملاتړ په ترڅ کې خپلوپلويانو ته ډاډ ورکاوه، چې دا ځل په حکومت کې موږ ته شل په سلو کې ونډه راکول کيږياو جاغوري او بهسود به هم د ولايتونو کچې ته پورته کيږي، نو چې خليلي سره يې د خليفه له جېبه داسې له سخاوته ډکې ژمنې کړې وي ، له فهيم سره به څه حال وي. اګر چې هغه چندان ژمنو ته اړتيا هم نه لري په خپله بدمعاشۍ يې په زوره ترې اخلي. زه نه پوهېږم ، چې داموږه بايد د کومې ګناه جزيه شورای نظار ته ورکړو، يوازې د دې لپاره چې کرزی زموږ پاچا وي؟
تاسې فکر مه کویء ، چې دا کرښې زه د شخصي حب او بغض له مخې ليکم، زه يوه ډېره ساده پوښتنه ستاسو پروړاندې ږدم:
کله چې کرزی واک ته ورسېديوازې د پاکستان پولو تهڅېرمه خال خال جګړې وې، خو اوس په ټول هېواد کې خال خال امنيت شته او اوس حتی د فارياب، جوزجان او بغلان په څېر ولايتونو ته هم جګړه رسېدلې.په کابل کې خويوازې پروسږ کال د غويي د اتمې نېټې پېښه د بېلګې په توګه بس ده .
د مخدره توکو توليدتقريباًصفر ته رسېدلی و، خو اوس افغانستان په يوازې ځان د نړۍ 90٪ترياک توليدوي او ورسره اوس موږ له څه باندې يو ميليون معتادين( چې اکثره يې ځوانان او د کار ځواک جوړوي) او د يوه موازي حکومت په څېر مافيايي شبکه اوپه نړيواله کچه د نارکو سټېټ په نامه شهرت لرو.
د اداري فساد له مخې افغانستان اوس د نړۍ په پنځو ټاپ هېوادونو کې راځي ، چې د 35 ميليارد ډالرو دمرستو غيب کېدل يې غوره بېلګه ده . له يو لړ سړکونو او يو شمېر ښوونځيو پرته نوره مهمه لاسته راوړنه او کارنامه يې تاسو پيدا کړیء.
د ملي هويت، ملي غرور او ملي ګټو حال درواخلیء! کابل ، هرات او مزار خو کله کله داسې ښکاري لکه د ايران مربوطات چې وي . هرات او شاخوا ولايتونه خو د حسين انوري په لاس ايران ته ډالۍ شول. که امريکا ووايي ، چې ايران په افغانستان کې لاسوهنه کوي ، نو زموږ منتخب حکومت وايي،چې خدای دې نه کړي.
هره ورځ زموږ بې ګناه افغانان کله په بمباريوکې، کله د کورونو په پلټنو کې اوکله هم د سړکونو پر سر وژل کيږي، آيا تراوسه د يوې وژنې عامل چا نيولی او يا محکمې ته راکښل شوی.
افغانانو تهپه کور دننه او بهر رنګارنګ سپکاوی او بې عزتی رسيږي( چې د ايران مهاجرين، داسټراليا په اوبو کې د افغانانو سوځېدنه ، په اماراتوکې د افغان کارګر وحشيانه ربړونه يې تازه بېلګې دي) ، آيا د کوم افغان پر سر غيرت شوی او پوښتنه يې چا کړې ده؟
که دا لړۍ پسې وغځوو د اونۍ څېرې له حوصلې څخه ډېر وړاندې لاړ شو،خو زما پوښتنه دا ده چې تاسې وګوریء افغانستان د کرزي په واکمنۍ کې له کوم ځای څخه تر کومه ځايه ورسېد. موږ له کرزي څخه دا ګېله نه کوو او نه دومره لويه تمه ترې لرو ، چې ولې دې افغانستان له بحران څخه راونه ايست ، بلکې ګېله مو دا ده چې ولې دې افغانستان يوځل بيا بحران ته ورټېل واهه او له هغو تاريخي چانسونو څخه دې استفاده ونه کړه ، چې زموږ لاسته راغلي وو.
ښايي ځينې لوستونکي ووايي، چې د بحران اصلي مسوول خو دی نه بلکې امريکايان دي ، نو دلته خو بيا دا پوښتنه راپورته کيږي ، چې که کرزی د بحران مسووليت نه لري نو بيا خو هسې د يوه بېواکه سمبول په توګه ناست دی. نو بيا خوکه موږ پاچا ولرو او يا يې ونه لرو توپير به يې څه وي. او که نه وي لابهتره ده ، ځکه ولس بههسې نهغوليږي ،چې موږ حکومت لرو او پاچا لرو ، بلکې خبره به سمه روښانه وي او طرف به هم معلوم وي.
نوزه داسې وايم ، چې که څوک نه شي کولی د احمدشاه بابا رول ولوبوي ، نو د لمسيانو رول ته يې څه اړتيا ده اوپه داسې پاچاهۍ کې به څه خوند وي؟
اوس چې بيا د ولسمشرۍ ټاکنې رانږدې دياو دا دی کرزي يوځل بيا ځان کانديد کړ، زما په اند ولسمشر کرزی يې بايد بيا وګټي ، ځکه چې دی پر خپلو سيالانو يوه څرګنده برلاسي لري او هغه د ده اوه کلنه تجربه ده. ښايي تاسو نيوکه وکړیء ، چې تر اوو کلووروستهد وزيرانو په توګه د اسدالله خالد، صديق چکري او انور جګدلک په څېر د بې کفايته کسانو ټاکنه خو چندان تجربه نه ده ،خو زما منظور دا ډول تجربه نه ده ، بلکې زما منظور د پردو تر شا د معاملو، د سيالانو تر منځ د درزونو د اچولو ، د خپلو د قربانولو او د پرديو د خوشحالولو، د خپل ولس پر وژنو او سپکاويو د سترګو پټولواو بيا د کميسونونو د جوړولو تجربه ده. البته ولسمشر کرزی ځينې ښه صفتونه هم لري . په دې کې شک نشته ، چې هغه ډېر زړه سواند او مهربانه دی، شخصاً يې هېڅوک نه دي وژلياو حتی کله کله په لويو مجلسو کې دخپلو ولس د وژنې له امله خپله ژړا هم نه شي ټينګولی ،خو آيا د ده ښّ سړيتوب او د ده ژړا به دولس اوښکې وچې کړای شي!؟
يقيناً چې تاسو به په تېرو اووکلوکې د خپل ولسمشر د ژوند او شخصيت په اړه ډېر څه اوريدلي او لوستي وي ،نو له همدې امله ما د ده د ژوند ليک ليکلوته ډېره بيړه ونه کړه او لومړی مې دخپل زړه بړاس وايست. نور تاسو په انتظار کې نه پرېږدم دا هم تاسې او دا هم د ولسمشر حامد کرزي ژوندليک:
حامد کرزيد2001 ز دسپټمبر له يولسمې او په افغانستان کېدطالبانو له سقوطوروستهدامريکايي ځواکونو او شمال ټلوالې په مرستهواک ته ورسېده . د2002 ز په سپټمبرکې د ده د وژنې ترهګريزه هڅه وشوه،خو بخت ورسره ياري وکړه همدارنګهپه 2008 ز کې يې لا هم په دې نړۍ کې اوبه او دانه پاتې وه کنه دغوايي پر اتمه به له دې نړۍ کوچيدلی و .
52 کلن حامد کرزی دپښتنو لهېوېمهمې پښېپوپلزيو سره تړاو لري،نوموړیپهيوېداسې کورنۍ کې نړۍ ته سترګې پرانېستې،چې په سياست کې ښه لاس لري . پلار يې عبدالاحد کرزیدپخواني پاچاپه وخت کې دولسي جرګې غړی و. دپوپلزيوقبيلهد محمد داود خان تر کودتا وروسته، چې په 1973 ز کې ېې دخپل داکا زویپر ضد وکړه، لاهم له ظاهر شاه سره ټينګې اړيکې درلودې .
حامد کرزی، چې دهندوستان له کوم پوهنتونڅخه يې په سياسي علومو کې ماسټري تر لاسه کړېکومه ځانګړېايډيولوژي نه لري،نوموړیقومي مشر دیداصلاح خوب او خيال يې په سر کې ګرځي خو وس او وړتيا يې نه لري.کرزیپه خپل چلند کې لويديځ تهډېرميلان لري، خو دا ددې مانا نه ورکوي،چې نوموړیدې له فکري اړخهليبرال يا سيکولر وي . کرزیزړه راښکونکې څيره لري ، ښه وياند دی ، له پښتو او پاړسو سربېره يې انګليسي هم زده ده.
پر افغانستان دپخواني شوروياتحاد له يرغل وروستهحامد کرزیدحکمتيار ، مسعود ، ربانياو نورو په څير مشهورهڅيره نه وه. د پير سيد احمد ګيلاني پهمحاذ اسلامي کې عادي غړی و . په 1992 ز کې د ډاکتر نجيب الله دحکومت له ړنګيدو وروسته ، چې واک برهان الدين رباني ته وسپارل شو کرزی دبهرنيو چارو وزارت د مرستيال په توګهوټاکل شو ،خو دمجاهدينو دجګړو له کبله ونه توانيده ، چې خپلې دندې ته دوام ورکړي ان هغه مهال داسې خبرونه تر لاسه شوي و، چې دخپل نوي مرستيال مارشال فهيم له خوا، چې هغه مهال داستخباراتو مشرو،زنداني او وهل شویدی . له دې وروسته کرزیدپاکستان او امريکا ترمنځ ګرځيده ، په 1994 ز کې ، چې کله طالبان راوپنځيدلدکرزي اړيکې ورسرهډېرې دوستانه وې . دغه اړيکې هغه مهال ترينګلې شوې ،چې کله نامعلومو وسله والو يې د جومات پر وړاندېپلار عبدالاحمد کرزیترور کړ .
د2001 ز په ډسمبر کېدالمانپه بن کې دملګرو ملتونوپههڅه او سپارښتنهدافغانستان جنګي ډلې راغونډې شوې او کرزي يېدلنډمهالې ادارې دمشر په توګه وټاکه . دغه مهال کرزیدا رزګان په غرونو کې له خپلو امريکايي دوستانو سره ګرځيده ،چې دعنقا مرغه يې پر سر کيناست، ويل کيږي ، چې په روم کې عبدالستار سيرت10 رايې او خپله کرزي2 وګټلې خو امريکايانو فکر کاوه ،چې دافغانستان لپارهولسمشر پښتون نه وي هلته دټيکاو او امنيت خبره دنورو له وسهوتلې خبره ده خو خبر نه و ، چې داسې پښتون يېموندلې ،چې هېچا ته دنه ويلو وس نه لرياو دنړيوالې ټولنې له دومره همکارۍ سره يېدپښتون پر کور داور نغریګرم ساتلی دی .
ليكوال: حماد / نېټه: 05.05.2009 / خپرونكئ: حماد / 
حامدکرزی 
