په کابل کې ۲۵ مېلېونه ډالر شخصي پانګونه شوي، چې ۴۰۰ کسانو ته به په کې دندې پيدا شي

په کابل کې ۲۵ مېلېونه ډالر شخصي پانګونه شوي، چې ۴۰۰ کسانو ته به په کې دندې پيدا شي



روهي (نۍ/۱۲ د کب)، په کابل ولايت کې د (زاهد کمپنۍ) په نوم يو شخصي شرکت د ۲۵ مېلېونه امريکايي ډالرو په ارزښت پانګونه کړي، چې د غواړيو او غلې - دانې په برخه کې به توليدات ولري.

د ياد شرکت د مسولينو په وينا، چې په يادې پانګونې سره په هېواد کې د کورنيو تولېداتو کچه لوړه شي او نېږدې ۴۰۰ کسانو ته به په کې د کار کولو زمينه مساعده شي.

د هېواد د سوداګرۍ وزارت وايي، چې نور کورني پانګوال هم بايد خپله سرمايه پانګه کړي او په دې سره د هېواد د اقتصاد په لوړوالی کې همکاري وکړي.

له بلې خوا، پانګوال په هېواد د کړکېچن امنيتي وضعيت شتون او د نامسووله وسله والو او زورواکو له امله پانګونې ته زړه نه ښه کوي او له حکومت غوښتنه کوي، چې دوی ته د پانګونې يو ډاډمن چاپيريال رامنځ ته کړي.

د زاهد کمپنيو مسولين هم له حکومت غوښتنه کوي، چې د دوی د مال اوځان د ساتنې په موخه ورته وړ فضاء برابره کړي، ترڅو پانګه شوې سرمايه يې له ګواښ سره مخ نه شي.

په هېواد کې په ډېر شمېر لوي پانګوال شتون لري، خو د کړکېچن امنيتي وضعيت په اساس په افغانستان کې پانګونې ته زړه نه ښه کوي بلکې خپله پانګه له هېواد بهر په خارج کې په کار اچوي.

Loading...
tags

ستاسې تبصرې

*


Top