له فزیکي اړخه فعال خلک ډېر عمر کوي

له فزیکي اړخه فعال خلک ډېر عمر کوي



امریکایي څېړونکي وایي، د ورځې شل دقیقې پلی تګ مو د عمر زیاتوالي لامل کيږي. څېړونکو د ۳۳۴ زره کسانو په اړه چې عمرونه یې د ۴۰ او ۵۰ کلونو تر منځ دي، معلومات راټول کړي دي. قد، وزن او ملاوې یې اندازه کړې دي. څېړونکو د هغوی دندو او کړنو ته په پام سره دغه کسان پر څلورو برخو وېشلي چې له فعال، نسبتاً فعال، نسبتاً غیر فعال او غیر فعال څخه عبارت دي. دولس کاله وروسته دوی د هغو کسانو په اړه هم معلومات راټول کړي چې خپل ژوند یې له لاسه ورکړی و. د څېړنې پایلې جالبې دي، هغه کسان چې ډېر فعال دي، د مړينې کچه یې هم د نورو په پرتله کمه ښودل شوې ده. دوی فعال کسان له غیر فعالو سره پرتله کړي دي چې په پایله کې د غیر فعالو کسانو د مړينې کچه د فعالو په پرتله شل سلنه زیاته ښودل شوې ده. دوی وایي، که تاسو د غیر فعالو کسانو په ډله کې یاست، هڅه وکړئ چې فعالیت ترسره کړئ. په دې ډول به مو خپل عمر اوږد کړی وي او له خپلې روغتیا سره به مو مرسته کړې وي.

Loading...
tags

  

  

د حمیدالله حمیدي ژوند لیک
حمیدالله حمیدي د محمد بشیر زوی د بادشاه خان لمسی په ۱۳۶۹ لمریزکال کې د وردګو ولایت د چک ولسوالۍ د عربانو درې په بیدرویو کلي کې زږېدلی دی، په ۱۳۸۰ کال کې یې د سیمې په مشهور ښوونځي (د عربانو په عالي لیسه) کې عصري زده کړې پيل کړې، دا چې مخکې......

      

...

  

ستاسې تبصرې

*


Top