سعودي عربستان به په راتلونکي میلادي کال کې سیلانیانو ته ویزې توزیع کړي

سعودي عربستان به په راتلونکي میلادي کال کې سیلانیانو ته ویزې توزیع کړي



 سعودي عربستان غواړي په ۲۰۱۸ مېلادي کال کې لومړنۍ سیاحتي وېزه توزیع کړي. دغه هېواد هڅه کوي، چې له دې وروسته د ګرځندوی صنعت ته په دغه هېواد کې وده ورکړي او سیلانیان را جلب کړي. د سي ان ان د خبر له مخې دغه هېواد غواړي په راتلونکي ۲۰۱۸ مېلادي کال کې د سیلانیانو لپاره د ویزو ورکول پیل کړي. له دې مخکې دغه هېواد ته د سیلانیانو ورتګ محدود و. که څه هم چې هر کال میلیونونه مسلمانان دغه هېواد ته د حج د فریضې د ادا کولو لپاره ځي، پر دې سربېره اوس سعودي غواړي، چې د نورو سیلانیانو توجه هم را جلب کړي او دا به د دغه هېواد لپاره د عواید ښه سرچینه وي. د سعودي د ګرځندوی او ميلي میراث مشر سلطان بن سلمان سي ان ان ته ویلي، د دې کار موخه دا ده چې بهرنیان په ریښتیا سره د دغه هېواد لوی والی تجربه کړي.
tags

ستاسې تبصرې

*


Top