په ډانګ پېیلي سپیني خبرې

image_demo_30



افغان ولس په ۱۹ پیړۍ ۲۰ پیړۍ او دادی په ۲۱ پیړی کې دنړیوالوسترو ښکیلا کي ځواکونودستراتیژیکي استعماري موخو په خصمانه  لوبو ا و شیطاني چلوټو په جال کې کیوتی او په ټولو پړاوونو کې یې  په خورا  بې رحمی او بې ساري قساوت لکه رودونه ویني بهیدلي اوسنی پړاو یې زړه بوږنوونکی اوټول هیواد کلي اوبانډي دوینو په حمام بدلي شوي دي اودجګړې ښکیلې غاړې پخپله افغانان لکه دسونګ دتوکو په څیر په کې سوځي او زما په اند دا دبشریت  په  تاریخ  کې هغه ستره جګړه ده چې د ځمکې دکرې دلسګونو،لسګونو بیلا بیلو هیوادونود دې وطن د بچیو په ویر اوخونړي ناورین کې په بې رحمۍ برخه اخیستي اودادی دا تراژیدي د ناهیلیوتردې  کچې رسیدلي چې انسان اوانسانیت  بابیزه او بې ارزښته شوی شپه اوورځ افغان ولس بې له مرګه اوبې له جګړې بله هیله نه لري.
پوښتنه داده چې دا جګړه ولې پای نه لري اولا پسې غځیږي؟
لامل یې لکه لمر روښانه ده اوهغه دا چې په جګړه کې ښکیل افغانان دجګړې دپای واک اواختیار نه لري بلواکه اوپردي واکه دي اوله بده مرغه زموږ جغرافیایې موقعیت د ډیرو نامرده تاریخي دوښمنانو ایران اوپا کستان سره نښتی او په هغه سربیره نړیوال آبرځواکونه او له هغو له ډلې دامریکا متحده ایالات او اوسنی دروسیې فدراتیف دلر مهاله او اوږد مهاله نظا مي ستراتیژیودتحقق او لاسبري په موخه په نیابتي خونړۍ جګړه بوخت دي.دهیچا له سترګوپټ نه دي چې دا وروستي څلویښت کلونه دهمدغو دوو سیالواو نړیوالوځواکونوپه مستقیم شتون اوګډون دافغان وینه وبهیده لکه چې نـن هم دادی دطالبانوترشا فدارتیفه روسیه،ایران اوپاکستان نیغ په نیغه ولاړاو دافغا نستان له دولت او وسله والوځواکونو ترشا دامریکا متحده ایالات او ناتو پکت هیوادونه فزیکي حضور اوشتون لري.
دیوه بې پرې افغان په توګه په زغرده وایم چې طالبان دارواښاد ملا عمر د مشرتابه مهال طالبان نه دي هغه جسور اوافغان پال ملا عمر چې پخپل کور کې د ډوډی په دسترخوان ناست نصرالله بابر یې د دې پوښتنې په ځواب کې چې ګنې د ډیورند کرښه لاسلیک او په رسمیت وپیژني له کوره وشاړه اوپه زغرده یې ورته وویل چې بلا شاته را ونه ګورې ځغله.دهغه په دغه تاریخي جسارت به تل افغان تاریخ ویاړي اوزه شکمن یم چې دملا عمر په مشکوک مرګ کې به دپاکستان دای،اس،ای څارګرشیطانان دهمدغه غوڅ اونرځواب په کینه او تلافی لاس درلودلی وي.اودپاکستان څارګرو لاپخوا په سروبي کې په ډیره نامردۍ ارواښاد مولوی صاحب برجان په شهادت ورساوه اوهمدا اوس دپاکستان په بیلابیلوزندانونو کې دملا برادر په ګډون ډیری دطالبانو درنې سټې بندې اوځولانه دي .دادی اوس پاکستان دتش په نوم ډیورند منحوسي کرښې په اوږدو کې اغزن سیمونه تا واوي اوپوځي چوڼۍ اوڅارګریزه تاڼې جوړوي.ایا د مولوي هیبت الله په ګډون به دکوټې،پیښوراو قطر دطالبانو دمشرتابه په شوراګانو کې د ملا عمر په پله یو نر پیدا شي چې د  پاکستان دغه دوښمنانه لاسوهنه وغندي.
تاسو ته ښه په یاد دی چی ایادپاکستان دڅارګرو په لاسونود مولوي عبد السلام ضعیف چې په پاکستان کې د طالبانو دامارت سفیر هم و ګواتا نامو ته ونه لیږه .دبهرنیوچارو وزیرمولوي صاحب عبدالوکیل متوکل په زغرده ویل چې مرګ غوره ګڼم نه په پاکستان کې پاتې کیدل داویاړلي درنې طالباني سټې دي چې شیطا نستان یې پیژندلی دی .
ارواښاد ملا عمر هغه جسور امیر المومنین و چې د ایران جاسوسان اوشیطانان یې دبلخ په ولایت کې په نره په داروځړول اودایراني اخندانو دغورو پرو او پوځي ګواښ پروایې ونه کړه.همدا لامل وچې دقم کینه ناکواخندانو دطالباني امارت په راپرزولوکې څرګنده ونډه اوفعا ل ګډون درلود او دادی نـن دافغانستان دبهانده رودونوداوبودعوا د سلما،کجکي،کمال خان اوافغاني نوروبندونو دتخریب اومخ نیوي ګواښونه کوي اوافغان کډوال ورته دڅاریو ارزښت هم نه لري اوډلې،ډلې په زوراو یاتطمیع دسوریې جګړې ته استول کیږي.
ایا دایران افغان دوښمنه دریځ ستاسوله سترګو پټ دی.اوکه درته څرګند وي دهغه پرخلاف به یونر غږ پورته کړی
نه!نه!هیڅکله نه ځکه تاسوته له هیوادنیو ګټوخپلې ځاني ګټې اوغوښتنې غوره دي اودغه جګړه چې دهیواد په ګوټ ،ګوټ کې روانه ده زیاتره پښتانه په کې برباد او ستي شول پښتنې میندې اومیرمنې بې پته او له خپلو کورونواومېنو، سر سرتوره دنامالوم برخلیک اومنزل په لور لالهانده اوسرګردانه په منډو اوتر ړو دي اودا لامل دی چې امریکا او ناتو تازه دمي ځواکونه اوپوځي ماشینري بیا افغانستان ته رالیږدوي اوتاسو دبهرنیو ځواکونو دوتلواودهغه په نه شتون کې دخپل بري خوبونه ګوری.همدا مسلمان اوافغان وژونکي جګړه لا زړه بوږنوونکي اړخونه پیدا کوي.زما اوستا کور،کلی،جومات،مدرسه،ښوونځۍ،پوهنتونونه،ټولګټي تاسیسات،بندونه،سرکونه او ټوله مادي اومعنوي هستي پکې سوزي اود دې وطن ستره اوسپیڅلي هستي افغان انسان ،نارینه اوښځینه ،تنکي ماشومان ،پیغلې اوځوانان ،اهل خبره پوهان،مخورمشران ،عالمان اومعلمان،زده کوونکي اوپه شنو کروندو کې بوخت بزګران،کارګران دمرګ،وژنې اوترهګریزو ګواښونو،بمې او واسکټي چاودنواودوزخي ځان مرګوبریدونواو وژنو سره مخامخ دي.اوټول هیواد دویراو وینو په ډنډ کې لاهو ډی.
طالبان او مخالف وسله وال باید په دې سر خلاص کړي چې دامریکا دمتحده ایالاتو پوځي ځواکونه له افغانستانه دوتلو هوډ نه لري اوهغو ته په افغانستان کې لویې جرګې،ولسي جرګې،مشرانوجرګې اودملي وحدت چارواکودستراتیژیک امنیتي تړون په رسمي لاسلیک اوهوکړې سره په افغانستان کې د پوځي حضوراوشتون اجازه ورکړي او خپل ستراتیژیک هدف او اوږدمهاله پلان یې تر لاسه کړی دی.
ایا تاسو له جرمني ځواکمن اوپرمخ تللي هیواد څخه ځواکمن یاست په دغه هیواد کې کابو۷۲ کاله امریکا پوځي حضوراوشتون لري .په دغه هیواد کې ۹۱۷ پوځي مجهزې اډې او۴۰۰۰۰څلویښت زره سرتیري دجرمني په بیلابیلو ایالتونوکې استوګن اوځای پرځای دی دجرمني دشتوتګارد دپوځي سترې اډې څخه دنړۍ کابو۱۳میلیونه میل مربع ځمکه اوساحه په ۸۹هیوادونوکی ترپوښښ لاندې ده چې له ناروي څخه تر بالتیک مدیترانې سمندرګي،منځنی ختیځ اوسهیلي افریقا سیمي احتوا کوي.په جاپان کې ۱۰۹ پوځي اډې او۵۰۰۰۰۰پنځوس زره سرتیري له دویمې نړیوالې جګړې راهیسې په هغه هیواد کې مستقر دي اودهغه سربیره ۹۰ سمندري سترې الوتکې وړونکي اوهستوي وسله لیږدونکي توغندې او اوبتلونه ځای پرځای دی اوپه جنوبي کوریا کې ۸۵ پوځي اډې او۲۸۰۰۰عسکرشتون لري ټول ټال دامریکا متحده ایالات د نړۍ په ۱۵۱ بیلابیلو د پنځولویو وچوهیوادونوکې څه نا څه ۶۰۰۰ پوځي اډې،پوځي تم ځایونه ،هوایې ډګرونه،سمندري بندرونه اونورپوځي تاسیسات لري . دملګرو ملتونو دامنیت شو را دغړو هیوادونوپرته دګردې نړۍ له هیوادونو دامریکا دمتحده ایالاتو پوځي بودجه چې ۵۸۵ میلیارده ډالره کیږي زیاته ده.امریکا په ایټالیا،ترکیه،اسپانیا،سعودي عربستان ،قطر،بحرین ،کویټ،متحده عربي امارات،عراق،عمان دهند دلوی سمندر دګوام په سمندرګي اودیګوګارسیا په ټاپووزمه کې ټول ټال ۱۷۰۰پوځي سمندري،ځمکنی اوهوایي اډې لري.
المانیان اوجاپانیان هوښیار خلک دي اودنړیوالولومړی اودویمې نړیوالې جګړې انساني ناورین اوبې ساري تراژیدی تکرار بیا نه غواړي اودواړه هیوادونه دامریکا دپوځي پوتانسیل څخه په اقتصادي عرصه کې سترې ګټې پورته کوي اودګلوبل نړۍ کې مطرح،ځواکمن،پیاوړي اوپرمخ تللي هیوادونه دي.
افغانان پیاوړی نشنالیستي غروراوجګړه ییز کرکټر لري.خونـنۍ نړۍ دعلم،تخنیک اومدرنې تکنالوژۍ عصر دی په تشو غورو،پروبې له دې چې خپل هیواد ویجاړاوبرباد کړو کومه بله پایله نه لري .افغاني زعامت دابر ځواکونوله حضوراوکاري پوتانسیل څخه دهیواد دابادی دپوهنې په انکشاف د کانونوپه استخراج داوبوپه مهارولواو مسلکي پرسونل په روزلو کې کار واخلي.که طالبان اسلامي غورځنګ وي نودحرمین الشرفین چارواکو شیخانو چې څه موده وړاندې یې دامریکا دسر زوري جمهور ریس په غاړه کې دخپلو پلرونودسروزرو مډال را وځړاوه او د۱۱۰میلیارده ډالروپه بیه دنظامي وسایلواوتجهیزاتودپیر تړون لاسلیک په اړه به غږ پورته کړي اودیمن په خوارځواکوماشومانواوناروغانو اودفلسطین په مظلوم ولس به دغیرت نـنګه څرګنده کړي چې هیڅکله به دامیړانه ونه کړي.
طالبانوکراموکه رښتیني اسلامي جهاد موموخه وي الصلح خیر ته راودانګی اوافغان مسلمان اوخوار زار ولس دجګړوپه اورونو کې مه سوځوی دا د روس،پاکستان،ایران اوامریکا په وسلودوطن بچیان مه وژنی او له سولې پرته به دا جګړه ترډیرواوږدوکلونو پای ونه لري وطن به وران افغانان به خواروزاراو میندې به موغمګیني ساندې بولي.دجګړه مارودوښمنانو دورکاوی اونابودی په هیله.
بسم الله اکبري
۱۵/۷/۲۰۱۷.
tags
Aliexpress INT

ستاسې تبصرې

  1. 1.pattang

    داخو ولا که په ډانګ پیلې سپینې خبرې وي بلکې دغلامی او بیغیرتي د بیرغ پورته کول او د اشغالګرولویه  پلوی ده !
    دومره غټ ، غټ برېتونه خوډیر غیرتی وی نو به تا څه ټکه را لوېدلې ده ! اوکه نه کرې اونه رېبې مفتې تورې څټې اړوې !!!
    دهیتلر جرمنی خو داسې جنایت دبشریت سره کړی چې هغه په تاریخ کې مسال نلری او همدا یې جزا وه او جزا یې حق په جانب ده خو بیایې جر منانو ته د یوو دیموکرات سیستم او یوو بیاوړي اداری سیستم خشته هم کېښوده چې لږ مسال لری ، واک او قدرت یې پاکو اولائقو خلکو ته  به لاس کې ورکه ( Konrad -Adenauer.....  ).
    نو ته ماته دا ووایه چې کله دخلق اودپرچم شوروی بادارانو په افغانستان حمله وکړه او بیغیرته خلق او بر چم یې په مخ کې ګدېدل 
    اوافغانستان یې زخمی زخمی به لکونو افغانان یې د ستالین له برېتو او دلنین ترپیکدارې خولۍ قربان کړل تر څو چې دفاسدومجاهینو په ملتیا د
     cia په اسلحو او دالرو وشړل شول ، نو پردې عمل کې دافغان اولس څه ګناه وه او کوم بشري جنایت یې کړی دی ؟؟؟
    کله چې مجاهدینو په بردویو لمسوونونو داسې لنډغري شروع کړه چې ۶۰۰۰۰ کابلیان یې مړه بې ناموسی یې ور سره وکړه او ټول یې وشړل ، له هلکانو سره یې ودونه وکړل ، پاټکونه یې واچول او افغانستان یې تقسیم که نو طالبی غورځنګ د خدا بخشلی ملا محمد عمر مجاهد په مشرۍ را بیداشه او دغه بې ناموسه د cia پخوا ني ځیره خواره یې تول پسې واخستل او یو انسانی له وقاره ډک نظام یې منځ ته راوست چې د هیواد په کلیواله اسلامي کچه ولاړ وو !
    دغه اسلامی رژیم د cia د راتلوکې ستراتیږی  او  قدرت غوښتنې په خلاف وو نو هغه یې د شمال د بیغیرتو اافغان دوښمنه شړل شویو لندغرانو به  مرسته داول ځل لپاره را نسکور که خوطالب دزمري خواص لري کله چې زخمی شی نو نور هم خطرناکه کیږي او له مرګه نه ډاریريږي که په توپ یې ولې بیا هم دی خپله حمله کوي !!
    - نه کوم افغان نه کوم طالب امریکا ته زیان رسولی او یا به غیرې مستقیم ډول پکښې شامل وه ! 
    - هیڅ کوم طالب او یا افغان د القاعدې غړی ندی تېر شوی  !
    - که دالقاعدې حمله په امریکا واقعې وي نو هیڅ کوم طالب ، ملا او افغا ن د القاعدي په پلان خبر نه وو چې دوی څه غواړي او څه کو ي !
    - په عراق او افغانستان دواړه حملې غیرې قانوني دي داسې حملوته هیڅ قانون اجازه نه ورکوي !
    ـ‌‌‌‌‌ که دنیویارک حمله د سې ای اې سیناریو نه وي نو بیا یې د طالبانو او افغانستان یې پرې څه ؟ یو حمله کونکی د جرمني له هامبورګ ښار څخه او نور یې له امریکا څخه راتلل ! 
    - که رښتیا د القاعدې حمله وي نونه ملا ،طالب ، کلیوال افغان  او نه هغه بې سواده اپورتونیست مکتبې د القاعدي په پټ راز خبر وو او هیڅوک هم چاته داسې رازونه نه وایې !!!
    - ډیر افسوس چې د افغانستان مکتبي طائفه ډیره اپورتونسته بې غیرته طائفه ده چې مسلک کې ډېر پڅ اوپه اپورتونیستي اوبې غیرتي کې اوله درجه دي !
    دغه خدای وهلي لنډغران خپلې کولمې ان  په پایتخت  کې  د کابل ددریاب په څنډو کې خالی کوي او لوی څادر یې په ځان اچولی وی خو دوی تر اوسه په دا څو سلیزو کې خپلو مرداریو ته کنارابونه ندی جوړکړی او دخپل پایتخت یې هم کنالیزاڅون نلري او یوه د مرداري ځاله ده ، تف لانت په داسې مسلکي مینه ، پوهه ، اداري او د استوګنځي په  پلان او انفرا ستروکتور  !دغه دغله زامن تل غلاوې کوي اهم یې مسلک په غلا ګټلی او هم یې ملګرتیا دغلو ده .
    دافغان اولس ازادي او خپواکي طبعي حقوق دي، پردي اشغالګر ددې حق نلرې چې کوڅه ډب لنډغران ، لکه کرزی، اشرف غني ، عبدالله او نور دشمال جنایتکاره لنډغران د اولس سیاسي او اقتصادي مشران وټاکي او په دالرو یې واخلي ! ۰ 

     

*

Top