شمالي کوریا وايي چې هر ډول جګړې ته اماده دي

شمالي کوریا وايي چې هر ډول جګړې ته اماده دي



شمالي کوریا یو ځل بیا امریکا او خپلو مخالفینو ته خبرداری ورکړ چې دوی هر ډول جګړې ته اماده دي.
نن دغه هیواد د خپل موسس ولسمشر او د اوسني ولسمشر کم جونګ اون د نیکه ۱۰۵مه کلیزه چې د لمر ورځې په نوم یې یادوي ولمانځله او د لومړي ځل لپاره یې د رسم ګذشت په توګه بالستیک توغندي هم نندارې ته وړاندې کړل.
د شمالي کوریا لوی درستیز ویاند وايي چې د امریکا له خوا د هر ډول برید په صورت کې به د جنوبي کوریا پر پلازمېینه د توغندیو بریدونه وکړي چې د ولسمشرۍ ماڼۍ او د ولسمشر کور به له مینځه یوسي.
نوموړي ویلي چې د امریکا جنګي کښتۍ به له مینځه یوسي، او په کومه اندازه چې د امریکا کښتۍ دوی ته نیږدې کیږي په هماغه اندازه یې له مینځه وړل ورته اسانه دي.
tags

ستاسې تبصرې

*


Top