ارزګان: د هاوان لګیدو له امله دیوې کورنۍ ۴ ښځي او یوماشوم ټپيان شوي

ارزګان: د هاوان لګیدو له امله دیوې کورنۍ ۴ ښځي او یوماشوم ټپيان شوي



د ارزګان په مرکز ترینکوټ کېملکي کسان دملي اردو دتوپچي بریدونو ښکار شول.
دمرکز ترینکوټ په آب برده نومي سیمې کې پر یوه کور دهاوان لګیدو له امله دیوه ماشوم په ګډون ۴ ښځي ټپیاني سوي دي.
دارزګان ولایت دولایتي روغتون مسؤلېن وايي، چې په دغه ولایت کي نن سهار  دمرکز ترینکوټ په«آب بردي» سیمه کي پر یوه کور دهاوان مرمۍ لګیدلي چې له امله يي دیوي کورنۍ ۴ ښځي او یو ماشوم ټپیان سوي دي.
دروغتون رئیس ډاکټر امین الله توخی وايي چې په ټپیانو د دوو ښځو حالت داندیښني وړ وو او هغه يي کندهار ته ددرملني په موخه لیږدولي دي.
دناروغانو خپلوان وايي چې هاوان دملي اردو دځواکونو له لوري توغول سوی وو چي پر کور ولګیدی او یادسوي کسان يي ټپیان کړه.
دآب بردي دسیمي ملک او دټپیانو خپلوان له دولت څخه غوښتنه کوي چې دملکي کسانو ژوند ته دې پام وکړي او هغوی ته دې زیان نه رسوي.
دوی له وسله والو طالبانو هم غواړي چې له ملکي کورونو دې د سپر په توګه کار نه اخلي.
دملي اردو مسؤلېن په دي اړه ناخبري ښيي.
دري ورځي وړاندې هم په یاده سوي سیمه کي دملي اردو دتوغول سوي هاوان دلګیدو له امله دیوي کورنۍ ۶ ښځي او ماشومان ټپیان سوي وو.
په یاده سیمه کي له تیرو لسو ورځو راهیسي دافغان ګډو ځواکونو له لوري پوځي عملیات روان دي.
 
tags

ستاسې تبصرې

*

Top